Como aprendemos en Enredando saberes, tecendo galego

 No noso proxecto aprender non significa só escoitar e memorizar. Significa explorar,

practicar e crear. Para organizarmos estas experiencias seguimos un modelo educativo moi

coñecido chamado Modelo de Enriquecemento de Joseph Renzulli, que propón tres tipos de

actividades diferentes para estimular a curiosidade e o talento do alumnado.

Explicado de forma sinxela, poderiamos dicir que aprendemos en tres pasos: descubrir,

practicar e crear.

1. Tipo I: descubrir o mundo

O primeiro paso é abrir portas á curiosidade. As actividades de Tipo I buscan que o

alumnado descubra cousas novas e amplíe a súa mirada.

Aquí entran, por exemplo:

- saídas didácticas

- visitas culturais

- encontros con persoas expertas

- actividades que nos achegan á ciencia, á arte, á natureza ou á cultura galega

Estas experiencias serven para espertar preguntas, intereses e novas ideas. Ás veces unha

visita, unha charla ou unha historia poden ser o punto de partida dun proxecto futuro.E, por suposto, todo isto facémolo en galego, a lingua coa que investigamos, conversamos

e aprendemos.

2. Tipo II: aprender facendo

Unha vez que aparece a curiosidade, toca desenvolver habilidades. As actividades de Tipo

II axudan ao alumnado a aprender estratexias para investigar, pensar, comunicar e resolver

problemas.

Neste tipo de propostas incluímos:

- caixas de aprendizaxe e pequenas investigacións

- actividades para practicar habilidades de pensamento, comunicación e análise

- clubs escolares, nos que o alumnado pode explorar intereses comúns e desenvolver

- competencias de maneira máis profunda

Nos clubs, os nenos e nenas comparten ideas, experimentan, colaboran e aprenden uns

dos outros. Son espazos ideais para aprender facendo e aprendendo xuntas.

3. Tipo III: crear e investigar

O terceiro paso é o máis persoal: crear algo propio.

Nas actividades de Tipo III o alumnado desenvolve proxectos individuais ou en pequeno

grupo a partir dos seus intereses (tanto en aula coma nos clubs). Poden investigar un tema,

crear unha historia, deseñar un experimento ou preparar unha presentación para compartir

co resto da comunidade.

Aquí tamén teñen un papel importante os clubs escolares, xa que moitas veces é nestes

espazos onde nacen ideas que acaban converténdose en proxectos máis grandes.

O importante non é só o resultado final, senón o proceso de investigar, pensar, probar e

comunicar, sempre utilizando o galego como lingua de expresión.

Un camiño para descubrir o propio talento

Este modelo permítenos ofrecer experiencias variadas para que cada neno e nena poida

descubrir o que lle gusta, desenvolver habilidades e crear algo significativo.

Porque aprender tamén é iso:

descubrir, experimentar e compartir ideas mentres seguimos tecendo saberes… en galego